返咗工第二日，冇我想像之中咁掛住啲仔女哈哈！相熟嘅病人見到我，第一句就講恭喜，第二句就講點解咁耐先返？哈哈！同時發現有個現象好得意。當佢哋知道你係龍鳳胎嘅時候，佢哋會講「你好叻呀！一次過搞掂晒，有仔又有女！」我聽落覺得有啲⋯⋯怪。
嗱，唔好鬧住先。我知佢哋係善意嘅，不過純粹雞蛋裏挑骨頭，當傾計咁傾⋯⋯難道我生一個唔叻？難道我生孖女或孖仔唔叻？
好多香港人都仲係非常傳統，覺得點都要生個仔。湊埋個好字就係最完美。龍鳳胎係一件得來不易同埋喜出望外嘅禮物。本身一個B就夠，跟住神就話我嘅恩典夠你用，所以送多個俾你。
坦白講，我懷孕嘅過程絕不容易，簡直有血有淚。其實生仔生女對我黎講都冇所謂，只要係健健康康就OK。所以你問我生龍鳳胎叻唔叻？其實全部媽媽都好叻！想做但係暫時未成功做到嘅媽媽更加叻！知道自己唔係做媽媽嘅材料所以唔會亂咁生小朋友嘅都好叻！
至於豬隊友⋯⋯都OK啦🤣🤣🤣🤣
***
上環間素食餐廳好掂！
Vietnamese taco + 四川豆腐
Search